Gefa aðildarviðræðum lokafrest

Mynd: Vera Kratochvil

Stjórn SAMSTÖÐU-Reykjavík er þeirrar skoðunar „að við núverandi aðstæður sé hagsmunum Íslands best borgið utan ESB“ og telur ennfremur að ríkisstjórninni beri skylda til að efna loforð sín um að samningaviðræðurnar myndu ekki taka lengri tíma en eitt og hálft ár.

Stjórn SAMSTÖÐU-Reykjavík fer fram á að ríkisstjórnin ljúki viðræðum um aðild Íslands að Evrópusamabandinu fyrir 1. ágúst 2012. Verði samningaferlinu ekki lokið fyrir þann tíma krefst stjórn SAMSTÖÐU-Reykjavík að þjóðaratkvæðagreiðsla um það hvort halda eigi samningaferlinu áfram fari fram eigi síðar en í nóvember 2012. Afar brýnt er að viðræðunum verði lokið á þessu ári til að þær skyggi ekki á brýn kosningamál í næstu alþingiskosningum, sem eru helst að mati stjórnar SAMSTÖÐU-Reykjavík lausn á óásættanlegri skuldastöðu heimila og smáfyrirtækja og leið til að afnema gjaldeyrishöftin sem tryggir almenna velferð og sjálfbærni efnahagslífsins.

Eftirfarandi atburðir hafa grafið undan upphaflegum forsendum aðildarviðræðnanna:
  • Evrópusambandið hefur nú í hótunum um að beita Ísland viðskiptaþvingunum til að stöðva lögmætar og ábyrgar makrílveiðar Íslands innan eigin efnahagslögsögu.
  • Evrópusambandið hefur einnig tekið formlega stöðu gegn sjónarmiðum og hagsmunum Íslands í Icesave deilunni.
  • Aðildarferlið átti að taka eitt og hálft ár en hefur nú dregist í tvöfalt lengri tíma og endirinn ekki í sjónmáli.
  • Aðildarumsóknin hefur verið umdeild frá upphafi. Viðhorfskannanir sýna mikla og vaxandi andstöðu við aðild.
  • Aðlögunarferlið dregur dýrmætan tíma, fjármuni og orku stjórnvalda frá brýnni verkefnum.
  • Evrópusambandið glímir sjálft við gjaldmiðils- og skuldakreppu sem ekki er séð fyrir endann á.
  • Aðgerðir og viðbrögð Evrópusambandsins við eigin vandamálum boða ekki gott að mati Samstöðu-Reykjavík þar sem almenningur hefur verið látinn axla tap illa rekinna fjármálafyrirtækja.
Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s