Herlög virkjuð í Bandaríkjunum

Föstudaginn 16. mars 2012 undirritaði Óbama Bandaríkjaforseti enn eina tilskipunina sem gengur í bága við stjórnarskrána.  National Defence Resources Prepardness EO (forseta-tilskipun) gefur ríkinu vald til að gera eignir upptækar án dómsúrskurðar undir forystu Janet Napolitano og Öryggismiðstöð Heimalandsins.

Margir gera þá skissu að telja að þeir myndu þekkja alræði um leið og þeir sjá það.  En alræði er bara birtingarmynd á valdaspillingu og sú spilling lítur ekki endilega eins út í öllum tilfellum.  Tiltölulega opið þjóðfélag, eins og Ísland, getur þróast í átt að meiri einokun og meiri spillingu, það þarf ekki að gerast með tilraun til valdaráns, ritun og útgáfu kreddubóka og öskrandi Hitlersræðum.  Það getur allt eins gerst hægt og hljótt og undir blæju þöggunar.

Í íslensku bíómyndinni „Kurteist fólk“ er íslenska spillingin skýrð með virkilega góðum hætti.  Pólitíkus úti á landi gerist gráðugur og fer í það með uppdönkuðum verkfræðingi af mölinni að reyna að koma sláturhúsinu í plássinu aftur í rekstur.  Hann kemst upp með þetta um hríð, en fær aðvaranir frá valdaklíkunni um það að sláturmarkaðinum hafi verið skipt og hann eigi ekki hluta af þeirri köku.  Á endanum er svo lögreglunni sigað á karlinn, enda vissu félagar hans í klíkunni um ýmsan fjárdrátt og annað ólöglegt sem hann hafði stundað í þeirra skjóli.

Ef svipuð lög væru hér og eru nú komin í gagnið í Bandaríkjunum, þá þarf ekki að „hafa neitt“ á uppreisnarseggi sem halda uppi samkeppni í heimi þar sem einokun auðhringjanna er hið nýja skipulag.  Þá er bara nóg að segja að vegna aðstæðna þá þurfi ríkið að gera reksturinn upptækann.

Nú eða bara láta drepa þá sem stunda samkeppni, forsetinn hefur einnig tekið sér það vald og segist geta útnefnt hvern sem er sem „óvinavígamann“ og látið taka hann af lífi.

Þetta getur reynst mörgum erfiður biti og vafalaust hugsa margir, „Þetta verður aldrei notað.“   En það er nú þegar notað.  Konur og börn eru drepin með fjarstýrðum dráps og njósnaflugförum á grunni þessara laga.  Jarðarfarir og brúðkaup sprengd í loft upp vegna gruns um að einhver einn „vígamaður“ sé meðal gestanna.

Óbama hefur meira að segja beitt þessu gegn bandarískum ríkisborgurum.

Þetta er einnig grænt ljós á brúnstakkaofbeldi.  Nú geta TSA fantar eða aðrar álíka óvandaðar stofnanir farið að handtaka fólk, láta það hverfa í leynifangelsi og drepa það, og allt er það „löglegt“, ef fólk getur viðurkennt þessi ólög sem lög.

Það eru ef til vill engar áberandi fangabúðir og pólitískar hreinsanir í gangi eins og er.  En allt er tilbúið fyrir alræði af verstu sort.  Ólíkt mörgum „bananaherríkjum“, þá er alræðið á bók í Bandaríkjunum, meðan meira að segja Sovétríkin voru réttarríki, svona að nafninu til.

http://www.infowars.com/obamas-latest-executive-order-martial-law-confiscation-of-private-property-and-forced-labor/

Auglýsingar

Ein athugasemd við “Herlög virkjuð í Bandaríkjunum

  1. Og þeir eru búnir að fá fallexirnar fyrir löngu.Afhausun hefur þá kosti framyfir aðrar útrýmingaraðferðir að hægt er að nota líffæri fórnarlambsins sem varahluti.
    Svo er fælingarmáttur fallaxarinnar óumdeilanlegur.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s