Drómasjúk og þunglynd í blóma lífsins

Pressan segir frá raunum menntaskólameyjarinnar úr Vestmannaeyjum, en hún sofnar í tíma og ótíma og missir allan mátt þegar hún hlær.

Hún var lífsglöð og ánægð 17 ára stúlka, dugleg í íþróttum og lífið brosti við henni rétt handan við hornið.  Þá skrapp hún í svínaflensubólusetningu og skömmu síðar er hún þunglyndur öryrki sem þarf að taka 8 töflur af ávísuðum lyfjum á dag.

Hún telur sjálf að hún hafi fengið þessar tvær tegundir af taugasjúkdómum vegna bólusetningarinnar, en íslenskir læknar vilja ekki samþykkja það, trúa sennilega frekar á „tilviljun“.

Á feisbúk síðu Pressunnar geta lesendur sett inn athugasemdir af feisbúk sínum og þar á meðal geysist Guðmundur Tómasson fram til að útskýra málið fyrir stúlkunni:

Svona getspár eru bara þvættingur – Berglind mín – Farðu í rannsókn hjá læknum og vonandi er þetta ekki alvarlegt…  Kveðja Gummi. —— Deilið þessu til Berglindar —–

Nei, þetta er auðvitað „ekkert alvarlegt“, tvöfaldur taugasjúkdómur sem eyðileggur líf ungrar stúlku… Ætli hún hafi ekki bara gleymt að fara til læknis?  Eftir að hún fór að lamast og missa allan mátt þegar hún hlær?  Hún finnur áreiðanlega mikla huggun í þessum blíðu orðum Guðmundar.

Heldur meira vit er í skilaboðum Jóns Þórs Ólafssonar, sem skrifar SKILABOÐ TIL BERGLINDAR DÚNU: Þú átt rétt á skaðabótum.

Svo tengir Jón Þór í vefsíðu lyfjastofnunnar, þar sem sagt er frá 6,6 földum líkum á drómasótt hjá bólusettum börnum og unglingum miðað við óbólusettum.

Finnar hafa sennilega gengið lengst í að viðurkenna vandann og bæta fórnarlömbum skaðann.  En ríkið verður að „axla þessa ábyrgð“ sjálft, því lyfjafyrirtækin og væntanlega umboðsmenn þeirra fengu fyrirfram „uppgjöf saka“, það er að segja, friðhelgi frá lögsóknum vegna notkunar á bóluefninu, því það var sett á markað í „neyðarástandi“ sem skapaðist vegna nýrra aðferða WHO til að flokka hvað væri heimsfaraldur, eftir að „há dánartíðni“ var felld út úr skilgreiningunni, þá stóð bara eftir „smitast auðveldlega“ og „fer hratt milli landa“, en þessi tvö skilyrði tryggja að allar flensur má flokka sem „heimsfaraldra“ og „neyðarástand“, sem er mjög gróðavænlegt fyrir lyfjafyrirtækin.

Berglind Dúna og hennar fólk hefur því ekkert út úr því að reyna lögsókn gegn lyfjarisunum.  Lögsóknir gegn ríkinu er einnig hæpnar, sérstaklega þegar allir „sérfræðingar“ landsins vilja ekki sjá nein tengsl milli aukinnar tíðni drómasýki „hér á landi“ og svínabóluefnisins, þó þeir viðurkenni að sú sé raunin í Finnlandi og fleiri löndum.

En eftir standa læknarnir sem stóðu í þessari herferð.  Fóru í lands og bæjarblöð með meira en lítið hæpnar yfirlýsingar um öryggi bóluefnanna og staðhæfðu jafnvel að „engar aukaverkanir“ væru af þeim.  Ég átti alltaf erfitt með að skilja hvernig menn sem hljóta alltaf að stíga varlega til jarðar þegar þeir ráðleggja fólki varðandi meðferðir urðu svo ákveðnir í ummælum sínum þegar kom að bólusetningum og sérstaklega svínabólusetningunni.  Kannski hafa þeir fengið greiddan bónus frá lyfjafyrirtækjunum fyrir hvern bólusettann, eins og breskir kollegar þeirra.

En hverju sem það sætir, þá stendur eftir að þessir menn fullyrtu ýmislegt opinberlega um bóluefni sem var á undanþágu frá hefðbundnum öryggisprófunum.

 

Mynd: Þyrnirós, teiknuð með trélitum af Chastity West, CC Casey West.

http://www.pressan.is/Frettir/LesaFrett/berglind-duna-i-eyjum-sofnar-i-tima-og-otima-og-missir-allan-matt-thegar-hun-hlaer—var-thad-svinaflensusprautan

http://is-is.facebook.com/pressan/posts/206543306096212

http://www.lyfjastofnun.is/lyfjastofnun/frettir/nr/1146

 

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s