Ert þú með einkenni ASD heilkennis?

Tugþúsundir Bandaríkjamanna þjást en vestrænn lækningaiðnaður greinir það sem allskyns kvilla, allt nema það sem það raunverulega er.

Þrálátir höfuðverkir, óbærilegt mígreni, þunglyndi, kvíði, vöðvaverkir, liðagigt sem blossar upp, suð eða ómur í eyrum, síþreyta, verkir í stoðkerfinu, iðrabólgur, Chrons sýki, bólgur, jafnvel brjóstsviði, allt eru þetta nöfn vestrænnar læknisfræði á ASD, eða Artificial Sweetener Disease, sætuefnasýki.

Einkenni óþolsins geta breyst á sólarhring, allt eftir því hve mikið og hvaða tegundir af sætuefnum eru innbyrtar.  Sumar samsetningar eru sérstaklega eitraðar.  Neytendur sætuefna geta þotið úr migreni yfir í uppköst, eða úr sjóntruflunum yfir í magakrampa með því að neyta mismunandi efna og í mismunandi samsetningum.  Margir upplifa röskun í miðtaugakerfi, krampa, kippi og óeðlilega reflexa (ósjálfráð viðbrögð).

Allt hófst þetta með Regan stjórninni árið 1980.  Regan rak forstjóra FDA tafarlaust, samkvæmt ráðleggingu Donald Rumsfeld (þá forstjóra Searle efnaframleiðandans sem varð fyrsti framleiðandi aspartams) og réð þess í stað Doktor Arthur Hull Hayes yngri, sem fyrir „heppilega tilviljun“ lét stofnunina gúmmístimpla Aspartam sem neysluvöru, eftir að umsóknir þess efnis höfðu verið innanhússbrandari hjá stofnuninni árum saman, því þó engar athuganir á áhrifum á taugakerfi væru hluti af prófunarferlinu á þessum tíma, þá olli efnið heljarmiklum krabbameinum í taugavef tilraunadýra.

Flóaheilkennið er aðallega ASD

Það er engin tilviljun að alda vefjagigtar (fibromyalgia) reið yfir bandaríska hermenn sem tóku þátt í árásarstríðinu við Persaflóann.  Rannsóknir sýna að aspartam þolir illa hitun, þá fara af stað óheppileg efnaskipti.

Árásarherinn fékk ríflega skammta af sykurlausum drykkjum sem sátu í gámum í steikjandi hita tímum saman og þessi neysla hafði alvarlegar afleiðingar.  Þessar afleiðingar voru hunsaðar með því að kalla vandann „flóaheilkennið“, en sömu vandamál hrjá nú árásarhermenn í Afganistan.

Það er heldur engin tilviljun að 4 af 5 þolendum vefjagigtar eru konur, en þær eru líklegri til að borða megrunarmat og drekka sykurlaust gos heldur en karlmenn.  Nú er svo komið að nánast allt tyggigúmmí og myntur eru sykurlausar vörur, en gerðar sætar með sætuefnum.

Gamla mýtan um að ekki sé næg gerfisæta í neinum einstökum vörum til að valda heilsufarsvandræðum er tóm lygi, sérstaklega nú árið 2011, þegar gervisætuefni eru í meira en fjórðungi allrar matvöru, drykkja, tyggigúma og sælgætis sem í boði er.  Samlegðaráhrif þessa framboðs eru ASD kvillar og eftirlitsstofnanir sofa vært á verðinum.

Engin lyf lækna þessa krónísku kvilla og til lengri tíma kann þessi neysla að valda krabbameinum hjá neytendum. 

En góðu fréttirnar eru að lækningin við ASD heilkenninu er oft alveg svakalega auðveld og ódýr, ekki þarf að greiða nein komugjöld eða fara í rannsóknir.  Hún felst í því einfaldlega að hætta neyslu á vörum sem nota gervisætuefni.  Helstu örðugleikarnir felast í því að efnin eru svo mörg og framleidd undir mismunandi nöfnum.  Svo má geta þess að MSG hefur svipuð áhrif, að minnsta kosti á taugakerfið.

Athugið vel – ef þið verðið veik af því að borða myglað brauð, ekki „leysa“ vandamálið með því að fá lyf og halda áfram að borða myglað brauð.  Hættið bara að borða óþverran!

http://www.naturalnews.com/034378_artificial_sweetener_disease_ASD_aspartame.html

Mynd CC Avenue G

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s