Kvikasilfur í bóluefnum veldur einhverfu

 

„Thimerosal is a cause of autism“ segir Autism-World fullum fetum, en Thimerosal er fína heitið yfir kvikasilfurblöndu sem notuð er sem ‘rotvarnarefni’ í sum bóluefni.

Þó Landlæknir og félagar vilji ekkert kannast við að kvikasilfur sem sprautað sé inn fyrir varnir líkamans séu eitthvað öðruvísi en kvikasilfurmengun sem við verðum fyrir við neyslu sjáfarafurða eða þegar við hreinsum upp brotnar sparperur, þá hefur batteríið látið undan óvinsældum efnisisins hjá almenningi og fá bóluefni skarta þessum viðbjóði lengur.

Þó eru undantekningar.

„Það er talað um kvikasilfur í bóluefnum sem er mjög rangt því það eru engin kvikasilfursambönd í bóluefnum sem notuð eru á Íslandi og hefur ekki verið í mjög langan tíma,“ segir Þórólfur Guðnason, yfirlæknir á sóttvarnarsviði Landlæknisembættisins, í samtali við DV þann 27. apríl 2011. 

Á sama tíma var kerfið enn að narra fólk í svínaflensubólusetningu vegna gríðarlegrar ímyndaðrar hættu sem kokkuð var upp til að selja bóluefni fyrir lyfjarisana.  Þetta bóluefni sem selt, afsakið, gefið var á Íslandi á kostnað skattborgara innihélt Thimerosal rotvarnarefni, því „neyðin“ var svo mikil að öllu pjatti, eins og almennilegum öryggisprófunum eða pökkun í einskammtaumbúðir, var hent út um gluggann og lyfjarisarnir fengu fyrirfram uppgjöf saka frá helstu ríkisstjórnum og friðhelgi frá lögsóknum, allt vegna þess að lobbíistum lyfjaiðnaðarins tókst að gera storm í vatnsglasi vegna vægrar og lítið smitandi flensu, sem þeir gætu hæglega hafa útbúið sjálfir á rannsóknarstofum sínum.  Allavega er ljóst að svínaflensan var ættuð af rannsóknarstofu.

Autism-World er síða sem birtir helstu uppgötvanir sem tengjast einhverfu, er nokkurs konar fréttasíða fyrir sjóaða og upplýsingasíða fyrir nýja foreldra einhverfra.  Thimerosal er afgreitt á þessari síðu með einfaldri staðhæfingu: Thimerosal is a cause of autism.  Síðan er engan vegin jafn rótæk og Kryppa, hún er raunar skrifuð á mjög varfærin hátt, ekki mikið um upphrópanir.  Þegar kryppan hallast eindregið að því  að einhverfa eigi að mestu uppruna í bóluefnum og e.t.v. örðum aukaefnum í mat og lyfjum, þá hallast Autism World að því að bóluefni séu nú mun öruggari eftir að Thimerosal er orðið sjaldgæft, þó þeir útiloki ekki að fleiri orsakir fyrir einhverfu kunni að tengjast bóluefnum.

Hér eru nokkrir punktar úr grein Autism-World um Thimerosal:

Framleiðendur bóluefna og thimerosal hafa aldrei framkvæmt alvöru öryggisúttekt á notkun þess í bóluefnum.  Í dag benda gögn til þess að notkunin í bóluefnum sé hvorki ‘örugg né árangursrík’.

Notkun á eitri sem rotvarnarefni er óæskileg, ónauðsynleg og ætti ekki að viðgangast.

Þær rannsóknir á efninu sem gerðar hafa verið eða fjármagnaðar af CDC og eiga að hrekja tengsl kvikasilfurs og einhverfu hafa hingað til verið illa hannaðar, illa gerðar og verulega gallaðar.

Á sama tíma og tilfellum einhverfu var að fjölga, þá fjölgaði bóluefnum með thimerosal fyrir börn þannig að thimerosal skammtur þeirra þrefaldaðist.

Vísindamönnum fjölgar sem telja tengsl milli fjölgunar röskunar í taugakerfi, einhverfu, tafar í málþroska og svo thimerosal.

Árið 2001 ályktaði Institute of Medicine að slík tengsl séu líffræðilega möguleg, en gögn séu ekki nægt til að sanna eða hrekja kenninguna.  Nýlegar rannsóknir hafa breytt þessu mati úr ‘mögulegum’ tengslum í ‘örugg’ (“biologically plausible” to a “biological certainty”).  Rannsóknir Dr. Mark Geier og David Geier sem birtust í Journal of American Physicians and Surgeons og Experimental Biology and Medicine hafa sýnt fram á sterk faraldsfræðileg tengsl milli thimerosal og röskunar á þroska taugakerfisins í börnum.

FDA var tregt til að fjarlægja ethylkvikasilfur úr kremum og fleiri ólyfseðilsskildum vörum þó rannsóknarnefnd úrskurðaði árið 1980 að ekki væri öruggt að nota þessi efni, þá tók FDA loks af skarið árið 1998 (18 árum síðar).

FDA (mast) og CDC (landlæknir) hafa brugðist skyldu sinni um að hafa öryggi almennings að leiðarljósi þegar ný bóluefni voru þróuð með thimerosal og þeim bætt á lista bóluefna fyrir börn.

Bandaríkin eru mitt í sorglegum faraldri einhverfu.  Greining á gögnum Menntamálaráðuneytisins frá árunum 1992-1993 í samanburði við 2000-2001 sýnir aukningu að meðaltali upp á 644% hjá bandarískum börnum.  Að auki hafa 13 ríki sýnt nánast ÓENDANLEGA aukningu á einhverfutilfellum frá 1992-1993 miðað við 2000-2001.  Könnun á börnum í bandarískum skólum bendir til þess að 1 barn af 9 sé nú þroskaheft.  Nýlegar kannanir í Jorunal of Medical Association and Pediatrics hafa staðfest að einhverfufaraldurinn er raunverulegur og er ekki til kominn vegna breytinga við greiningu, breytingar í lýðsamsetningu eða af öðrum ‘eðlilegum’ þáttum.

http://www.autism-world.com/index.php/2007/09/30/thimerosal-is-a-cause-of-autism/

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s