Leyndarmálin í Porton Down

Tilraunir í Porton Down með sprengivörpuskotfæri í fyrri heimstyrjöldinni

Vestræn stjórnvöld hafa í skugga mannræktarstefnunnar (eugenics) látið framkvæma ýmsar mjög ósiðlegar tilraunir á fölskum forsemdum, eða jafnvel án vitundar og nokkurs samþykkis borgaranna.

Mannræktarstefnan, eða mannkynbætur eru talsvert misskilið hugtak.  Flestir tengja það við Hitler og nazistana sem vildu útrýma gyðingum og undirmálsfólki og rækta einhvern stofn germansks ofurmennis.  En það var bara útgáfa nazistanna af mannbótum.  Sem þeir kóperuðu og aðlöguðu örlítið frá bandarískum og öðrum vestrænum „vísindamönnum“ og stórhuga „heimspekingum.“

Kannski er einfaldasta og innihaldsríkasta skýringin á mannbótastefnunni að hún er hugmyndafræði sem gerir ráð fyrir því að fólk sé eins og hver önnur dýr, og að sumt fólk (elítan) eigi að taka að sér að rækta mannhafið eins og bændur rækta búfénað, og hafi þá einhver rætkunarmarkmið að leiðarljósi.

Út frá þessum skilningi er auðvelt að sjá hvernig ófrjósemisaðgerðir á vesturlöndum voru réttlættar alveg eins og útrýmingarbúðir nazistanna.

En því fer fjarri að mannbótastefnan hafi dáið með nazismanum.  Mannbótastefnan er enn í fullum gangi.  Hitler var talinn allt of ófágaður í sinni útfærslu, það á ekki að hræða búfénaðinn og láta hann skilja eðli sambands bænda og búfénaðar.  Auk þess var markmið Hitlers bara eitt ræktunarmarkmið af mörgum mögulegum.

Það er nefnilega ekkert sjálfgefið að mannbótasinnarnir vilji rækta sterkari og gáfaðri stofn.  Þeir gætu allt eins vilja rækta þægilegt fólk sem ekki ögrar valdinu né hefur nokkurn áhuga á að hafa áhrif á breytingar á þjóðfélaginu.  Því hvað er gildi mannhafsins fyrir þessa elítubolta?  Hitler og nazistarnir voru reknir áfram af þjóðrembingi.  Þeir vildu sterka og gáfaða ofurgermana.  Elítan vill bara passa að hún sitji alltaf á toppi pýramídans, að mannhafið þjóni sér, en ógni ekki.

Aldous Huxley lýsir þessu vel í bók sinni Veröld ný og góð, þar sem fólk fæðist ekki lengur með gamla laginu, heldur er það framleitt í útungunar og uppeldisstöð ríkisins.  Frá upphafi er fólkið ræktað til að vera Ölfur, Betur, Gömmur, Yfsilón eða Zetur.  Alfa er toppfólkið, ræktað til að stjórna þjóðfélaginu.  Betur eru sæmilega gefið fólk, en gamma og yfsilon eru lakari og zetur nánast þrokaheft fólk, ræktað til að geta sinnt starfi sínu en hafa enga aðra andlega burði.  Í uppeldinu er það aðlagað því starfi sem því var klakið út til að sinna.  Börnum sem eiga að vinna í námum er gefinn rafstraumur þegar þau fara á svæði þar sem sólin skín.  Þannig verða þau ánægðust með að vinna í myrkrinu.  Gildi ríkisins eru innrætt með því að endurtaka slagorð þúsundum sinnum í svefni og vöku barnanna.  Allir tilheyra öllum, er eitt.  Börn eru svo látin leika kynferðislega leiki frá ungaaldri og eru svo gríðarlega lausgirt þegar þau ná kynþroska.  Það er gert til að koma í veg fyrir að einstaklingar bindist hver öðrum í gamaldags fjölskylduformi.  Ríkið er fjölskyldan.  Ríkið er ákveðni faðirinn.  Ef ríkið brýtur á einhverjum einstaklingi af einhverri ástæðu, þá dettur engum öðrum einstaklingum í hug að verja brotaþolann.  Svo er það sómað… Sóma er gleðilyf sem lagar svo alla óhamingju eða óróleika.  Borgarar svæfa allar „óeðlilegar“ hugsanir eða óánægju með misstórum skömmtum af sóma.

Ég held að íslendingar séu innst inni voðalega jákvæðir fyrir hugmyndum um mannkynbætur eða mannrækt, af því að í draumaheimi nazistanna, sem næstum því varð ofaná, þá hefðum við „komið vel út“, verið í topp stöðu meðan gyðingum væri útrýmt og svertingjar hnepptir í þrældóm.  Við ímyndum okkur að mannbætur byggist alltaf á þessari hugmynd, að rækta hið sterka aríska kyn.

En sú hugmynd dó áreiðanlega út með nazistunum.  Hin hugmyndin, um leiðitaman og frekar líflausan þjónustumúg lifir áfram.  Það sem meira er, með vaxandi sjálfvirkni, þá þurfa „bændurnir“ ekki lengur á svona stórum stofni að halda.  Það gæti farið að koma að niðurskurði, já af sársaukafyllstu sort.  Niðurskurði á mannhafinu.  Af einhverjum ástæðum virðast stórhuga spekingar um allar trissur, hvort sem þeir vinna hjá Sameinuðu þjóðunum, eru í topp vísidastöðum hjá bandarískum stjórnvöldum, eða eru huldumenn sem reisa leiðsagnarsteina á afviknum stað í Georgíu vera meira og minna sammála um framtíðina.  80% niðurskurður á stofninum segja þeir „hógværu“, þeir „skynsömu“ tala um 90-95% en öfgamenn garga á allt að 98% útrýmingu.  Þessir menn vinna svo að blautum draumum sínum í rannsóknarstofum ríkisins, reyna að útbúa ebóla veirur sem smitast eins og kvef, eða reikna út hversu hratt hægt sé að skera niður, þannig að við getum grafið okkur sjálf, því það er eitt af hagnýtu vandamálunum – ef 98% deyja, hvernig á þá að losna við alla þessa rotnandi kroppa?

Porton Down er rannsóknastöð í Bretlandi sem hefur í gegn um árin stundað ýmsar óþverrarannsóknir innblásnar af mannkynbótamönnum.  Stöðin var sett á laggirnar upp úr 1916 á 7.000 hektara svæði nærri Sailsbury.  Í seinni heimstyrjöldinni fengu efna og sýklavopnarannsóknir hámarksforgang hjá stofnuninni.  Það var svo strax upp úr 1960 sem stjórnvöld viðurkenndu að stofnunin væri yfirleitt til.

Um 20.000 hermenn voru gabbaðir til að taka þátt í „rannsóknum á kvefi“ gegn dálitlum aukapening og aukafrídögum.  Þessir menn tóku óafvitandi þátt í hroðalegum tilraunum með taugagas, geislavirk efni, eiturlyf og allskyns óþverra.  40 manns voru sprautaðir með sýklavopninu Kyasanur Forest Monkey  veiki árið 1968.  KFM veikin hefur 28% dánartíðni og veldur hryllilega sársaukafullri heilabólgu.

„William Dyer eiginmaður minn var 19 ára þegar honum voru greiddur shillingur aukalega á dag fyrir að skríða um í samfestingi á akri sem hafði verið úðaður með geislavirkum efnum og svo var geislavirkni mæld á honum.  Hann dó daginn eftir 49 ára afmælið sitt árið 1987 úr Hodgkins veiki – eitlakrabbameini.  Þeir buðu sig fram í það sem þeir héldu að væru einföld próf.  Þeir voru ungir og vildu þéna dálítið aukalega, en sjáið nú það gjald sem þeir þurftu að greiða fyrir það.“  Jeanette Dyear, ekkja Willams.

„Við vorum sendir út á akur og sagt að fara inn í málmhylki.  Ég hélt á götóttri dós með flugum í og búri með kanínu.  Okkur var sagt að þegar við heyrðum sprengingu, þá ættum við að fara út og taka okkur stöðu nærri tréstaur.  Þeir spurðu hvort við fyndum einhverja lykt.  Foringjarnir voru allir með gasgrímur, en við höfðum engar.  Það næsta sem ég man er að við vorum allir í rúminu og mig verkjaði í hendur, úlnliði og ökkla.  Þeir sögðu okkur aldrei að við værum í nokkurri hættu.“ Peter Carpenter.

„Bóndi minn fór til starfa í Porton Down þann 20. september 1966.  Þegar ég hitti hann um hvoldið, þá var hann í hryllilega slæmu ástandi, hann hafði stingandi verki í kviðnum.  Hann sagði ‘Ég var sprautaður með fjandans ameríska svartadauðanum.’  Þremur mánuðum síðar dó hann, mér var sagt að hann hefði dáið úr magakrabbameini, en ég veit að þeir sprautuðu hann 19 sinnum á fimm árum með kokteili af bólusótt, anthrax, plágu og mænusótt.  Mér var sagt að hann þyrfti þessar bólusetningar, en ég tel það fyrirslátt.  Þeir notuðu hann sem tilraunadýr.  Hann vildi ekki neita því hann óttaðist að missa vinnuna.“  Hettie Nyman, ekkja Fredericks.

Þessir herrar keyrðu líka um og spreyjuðu eftirlíkingu af efnavopni á almenna borgara, „vísindamenn“ keyrðu jeppa í fullum varnarbúningi og með gasgrímur fram hjá borgurum að borða hádegismat fyrir utan samlokusjoppu, og spreyjuðu einnig úr flugvélum yfir stærri svæði.  Eftirlíkingin var valin vegna þess að sameindir hennar voru svipaðar að stærð og sameindir vopnsins og efnið var ekki talið mjög eitrað.  Mælingar voru svo gerðar á svæðinu hversu mikil mettunin var og út frá því reiknað hversu mikinn skaða væri hægt að gera með alvöru vopni.

Efnið sem þeir notuðu var zink cadmium sulphide, en í skýrslu frá Porton Down sjálfum (sem hétu DERA árið 2000), segir að svo virðist sem ekkert hafi verið spáð í hvort efnið væri eitrað, það hafði enga eiturflokkun sem bendir til að engin úttekt hafi verið gerð á því.  Skýrslan vill ekkert greina hvort siðferðislega hafi verið rétt að spreyja almenning að honum óforspurðum, né hvort herinn hafi brugðist trúnaði með þeirri aðgerð, en þeir sem meðhöndluðu efnin í Porton Down voru allavega vel varðir með Mark IV öndunargrímum, hvítum samfestingum, gúmmístígvélum, þykkum hönskum úr gervigúmmí sem náðu upp á olboga og höfuðfötum eins og skurðlæknar nota.

 Heimildir og ítarefni:

 

http://www.rense.com/general39/secret.htm

http://www.bbc.co.uk/insideout/west/series1/porton-down.shtml

http://www.nr23.net/govt/spray.htm

http://kryppa.com/eftirlitsmyndavelar-vid-leidsagnarsteina/

2 athugasemdir við “Leyndarmálin í Porton Down

  1. Biddu….??? Hvar er örvitinn og aðrir vantrúarmenn núna?? Þeir hljóta að hafa flókna afsökun eða furðulega útskýringu á þessu? Eitthvað eins og að fólkið hafi sjálft ekki nennt að fara í hlífðarföt og að allir sem drápust hafi þegar verið komnir með banvæna sjúkdóma, af því að stjórnvöld eru alltaf góð við þegnana eins og sést þegar litið er á söguna…..

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s