Auðveldara að drepa milljón manns en stýra þeim

Það eru bara brjálæðingar eins og Breivik sem fá útrás fyrir mannhatur sitt með því að ganga um og skjóta saklausa og börn.

Tala látinna vegna voðaverka Breiviks er nú sögð vera 77, og lækkaði dálítið þegar nokkrir þeirra sem saknað var komu í leitirnar heilir á húfi.  Þó þessi tala sé há og verkin sannarlega voðaleg, þá er Breivik alger dvergur í samanburði við glæpsamleg afrek þeirra sem stýra heimspólitík.

Monckton lávarður sagði til dæmis frá því 2009 hvernig tvöföldun á verði hrávöru ylli því að fólk á Haíti hefði nú ekki einu sinni efni á að kaupa moldarkökur lengur.  Moldarkökur eru gerðar úr mold, smjörlíki og salti, mótað og þurrkað í sólinni.  Fátækasta fólkið deyfir hungurtilfinninguna með þessum bakstri úr ósamþykktum eldhúsum þegar það hefur ekkert annað.

Monckton tengir hækkun matvælaverðs við átak í að breyta matræktarökrum yfir í að rækta „lífeldsneyti“ (biofuel), algerlega að óþörfu þar sem nóg er til af ólíu og útblástur koltvísýrings skaðlaus með öllu.  Svona smávægileg starfssemi herja spunameistara og bullara eins og Al Gore nær sem sagt að drepa heilu skaflana af fólki, fátækasta fólkinu, sem ekki hefur lengur efni á að kaupa mat.

Önnur illmenni skemmta sér við að flýta dauðdaga  annars fólks með því að upphugsa ný íblöndunarefni í matvælaiðnaðinum, eða manga með bóluefni.

En ef reiknuð afrek duga ekki og vitleysingarnir vilja taka beinni þátt í hörmungum, þá má auðvitað bara ganga í herinn og fara út á vígstöðvar heimsveldisins.  Breivik hefði getað fengið mikla útrás þar og náð að myrða fleiri og meira að segja af þeim kynþætti sem hann virðist hata.  Ef svo ólíklega vildi til að hann væri gripinn, þá fengi hann styttri dóm og almenningsálitið færi um hann mildari höndum.

Ekkert trompar þó alvöru valdastöður í stjórnkerfinu þegar kemur að því að koma öðrum í gröfina á undan áætlun með beinum hætti.  Fyrir utan að geta beitt pólitískum þrýstingi til að leyfa allskyns fikt með erfðabreytt matvæli og íblöndunarefni án þess að hugað sé of mikið að heilsu almennings, þá geta þessir aðilar gefið út skipanir um þátttöku í hernaðaraðgerðum, notkun ómannaðra dauðaþjarka og verndun á valmúaökrum í Afganistan.

Að lokum er hér dálítil upptaka af Zbiginiew Brzezinski, brúðumeistara Óbama og Carters forseta, þar sem hann ræðir heimsmálin á fundi hjá CFR fyrir nokkru síðan.

Þar segir hann frá því vandræðalega fyrirbæri að aldrei í sögunni hafi fleiri verið með pólitíska meðvitund, það sem hann kallar í skrifum sínum „Pólitíska vakningu á heimsvísu.“ 

„Í fyrsta sinn í sögunni, í allri sögu mannsins, þá er nær allt mannkynið vakandi þegar kemur að stjórnmálum.  Það er virkt.  Meðvitað um stjórnmál og gagnvirkt.“  Þetta fólk bregst við og setur strik í reikninginn þegar baktjaldamennirnir tefla á skákborði heimsins.  Hvað ef peðið þitt vill ekki fara fram um reit svo hægt sé að fórna því fyrir betri stöðu?  Hvers konar anarkistaskák er það?

Það þarf að hlusta gaumgæfilega og skilja samhengið, því Zbiginiew er sleipur náungi.  Hann er á níræðisaldri, en hefur tekið þátt í heimsskákinni í langan tíma.  Hann stofnaði til að mynda al-Quaeda samtökin, en þeirra fyrsta verk var að stríða sovéska heimsveldinu í Afganistan.  Athugið líka hverja hann er að tala við.  Þetta eru ekki samtök friðarsinna eða hjálparstofnun kirkjunnar.  Þetta er á ráðstefnu hjá CFR, Council on Foreign Relations, félagsskap baktjaldamakkara í stjórnkerfinu, hnattvæðingarsinna og baráttumanna fyrir heimsríkisstjórn.

Í enda þessarar upptöku segir Brzezinski:  „Þessi gömlu og nýju stórveldi eiga við enn einn nýjan þátt að stríða, sem er að sumu leiti án fordæma.  Að á sama tíma og drápsgeta valdstjórnar þeirra er meiri en nokkurn tíma áður, þá er geta þeirra til að stýra mannfjöldanum, sem er með stjórnmálalega meðvitund, í sögulegu lágmarki.“

Svo klikkir karlinn út með því að vitna í sjálfan sig og monta sig af því að breski utanríkisráðherran hafi einnig notað þá tilvitnun:  „Á fyrri tímum var auðveldara [fyrir einn mann] að stýra milljón manns, heldur en að drepa þann hóp [sjálfur].  Í dag er það óendanlega miklu auðveldara að drepa milljón manns, heldur en að stýra þeim.“

http://www.guardian.co.uk/world/2008/jul/29/food.internationalaidanddevelopment

http://www.infowars.com/third-world-under-attack-from-genocidal-climate-change-policy/

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s