Manson predikar hnattræna hlýnun


Manson dreymir um alræðislega heimsríkisstjórn og sjálfsmorðsstofur

Charles Manson hefur verið þögull í 20 ár, en á 40 ára afmæli morðsins á Sharon Tate, konu Romans Polinskis, hressist karlinn og reynir að hjálpa Gore og félögum í ‘veðurfarsbreytinga’ klúbbnum.

Morðinginn alræmdi hóf baráttu fyrir ‘umhverfismálum’ frá fangelsi sínu fyrir löngu síðan, en í nýlegu símaviðtali röflar hann um „illa meðferð“ á umhverfinu:

‘Allir eru guðir og ef við áttum okkur ekki á því, þá verður ekkert veður, því íshellurnar eru að bráðna því við erum að gera slæma hluti við andrúmsloftið.’

‘Ef við breytum því ekki undir eins, ef við gerum hnöttin ekki grænann á ný og gróðursetjum tréin sem við slátruðum aftur , ef við förum ekki í stríð gegn vandamálinu…’  Hér dó röfl morðingjans út í dramatíska þögn.

Þeir frímúrarar, kabbalistar og dulspekingar sem lesa heimasíðu Mansons kannast fljótt við sig.  Við mennirnir erum bæði guð og djöfullinn, góð og ill.  Við fæddumst ekki og við deyjum aldrei.  Gott og illt eru afstæð hugtök, eins og Vigdís Finnboga vill meina að mannréttindin í Kína séu.  Samkvæmt Manson er fullt af vitleysingum á jörðinni sem þarf að drepa, til að vernda náttúruna.  Sama þó þeir séu guðir og djöflar, hann nennir ekkert að díla við þessa samdjöfla sína, bara drepa sem mest af þeim, svo þeir hætti að blása koltvísýringi.

Manson skaut sjálfur einn mann sem lifði af og skipulagði og fékk meðlimi í „Manson fjölskyldunni“ til að drepa minnst níu og jafnvel allt að 35 í plotti sem átti að setja af stað kynþáttastríð milli hvítra og svartra, sem Manson kallaði „Helter Skelter,“ frasa sem hann fékk lánaðann úr Bítlalagi.

James Jay Lee braust inn í Discovery Channel bygginguna og predikaði sama sálminn á síðasta ári.  Hann heimtaði að sjónvarpsstöðin hætti að sýna barnseignir í jákvæðu ljósi, því börnin væru sníkjudýr á jörðinni.  Það var áróðursmynd Al Gore sem vakti þennan eldmóð í brjósti JJL, en Manson þurfti ekkert að læra frá Gore í þessum fræðum. 

Manson predikaði um nauðsyn manndrápa til verndar umhverfinu löngu áður en Gore sá gróðavon í kolefnissköttum.  Með hakakrossinn tattúaðan á enni sér réttlætti hann morðin á fórnarlömbum Manson fjölskyldunnar með bráðnandi íshellum og drukknandi ísbjörnum strax á miðjum 9. áratug síðustu aldar.  Skoðið myndbrot af kappanum frá 1987 þar sem hann segist meðal annars sjá eftir að hafa ekki náð að drepa fleiri fyrir umhverfið.

„Af hverju útskýrið þið ekki að íshellurnar eru að bráðna vegna hitans frá þessum vélum,“ segir Manson og á ef til vill við sjónvarpið.  Eða bara samfélagið í heild.  „Kannski hefði ég átt að drepa fögur eða fimm hundruð manns, þá myndi mér líða betur.  Þá fyndist mér að ég hefði í alvöru gefið eitthvað af mér til samfélagsins…  Sannleikurinn er að jörðin er að deyja.“

Seinna segir Manson svo á ískaldan hátt, „Ef ég byrjaði að slátra fólki, þá yrði enginn eftir.“

Manson vildi setja upp „sjálfsvígsstofur“ svo fólk geti drepið sig á skipulegan hátt og hreinsað jörðina af mannkyni. 

Í öðru viðtali segir hann Geraldo Rivera að drepa þurfi 50 milljónir til að gleðja Móður jörð. 

„Ég ætla að drepa ykkur, eins mörg og ég get.  Ég ætla að stafla ykkur upp í himininn.  Svona um 50 milljónir, “ sagði Manson, „Ég held að ef ég næ um 50 milljónum af ykkur, þá geti ég bjargað loftinu mínu og vatninu mínu og dýralífinu mínu.“

Manson sagði samt að slátrun á 50 milljónum sé bara dropi í hafið miðað við það sem er á leiðinni.

Í símaviðtali við annað tækifæri líkir Manson útblæstri kolvtísýrings við dauðasynd, málflutningur sem er skuggalega líkur máli hrakspámanna eins og Al Gore, sem vilja skattlagningu og kvóta til að stýra því hverjir megi í raun lifa.

En hver á að stýra þessari herferð gegn sníkjudýrum á jörðinni?  Manson veit svarið.  „Við verðum að fá heimsríkisstjórn,“ röflar Manson upp úr þurru.  „Við bara verðum að fá hana.“

Köll Mansons eftir heimríkisstjórn bergmála hjá topp umhverfissinnanum James Lovelock, heilanum á bak við Gaia kenninguna, en hann sagði í viðtali við Verndarann árið 2010 að setja verði lýðræðið á ís til að berjast við hnattræna hlýnun og fáeinir valdsmenn eigi að fá að stýra hnettinum.

Hugmyndir Mansons um fjöldamorð á óskiljanlegum skala til verndar umhverfinu eiga sér fylgismenn og frömuði meðal mikilsmetinna fræðimanna og vísindamanna.  Fólk eins og Dr. Eric R. Pianka, bandarískur líffræðingur við Texasháskóla í Austin.  Í ræðu hjá vísindaakademíu Texas í mars 2006 hvatti Pianka til útrýmingar á 90% mannkyns með því að nota bráðsmitandi Ebólavírus sem breytt hefði verið svo hann berist milli fólks eins og kvef, en upprunalegi Ebólavírusinn gerir það ekki.  Viðbrögðin frá sköflum af topp vísindamönnum og prófessorum í salnum voru ekki hneykslun eða viðbjóður, heldur stóðu þeir upp og klöppuðu Pianka og hugmyndum um hryllilegustu fjöldamorð í sögu mannkyns lof í lófa.

Pianka sagði að vísu að almenningur væri ekki tilbúinn að heyra sannleikann í byrjun fyrirlestrar sína, svo gólaði hann, „Við erum engu betri en bakteríur!“, og hjólaði svo í malthúsinnblásin dómsdagspistil um það hvernig „offjölgun“ væri að eyðileggja jörðina.

Charles Manson, heilinn á bak við eina viðbjóðslegustu og hryllilegustu morðöldu Bandaríkjanna, og maðurinn sem sagðist hryggur yfir því að hafa ekki náð að drepa 50 milljón manns, hann trúir öfgafullt á sömu kreddur og topp umhverfisbrjálæðingar og fræðimenn gera, og hann á sér viljuga lærisveina utan fangelsins, lærisveina sem í fáu eru frábrugðnir upprunalegu Manson fjölskyldunni, sem fylgdi skipunum Mansons og slátruðu átta manns.  Nýr liðsauki lærisveina sem eru meira en viljugir til að vinna fyrir þessi trúarbrögð dauðans.

Það væri kannski hægt að vísa málflutningi og kröfum Mansons um sláturtíð á bug sem bulli í geðveikum og illum brjálæðingi, en verra er að valdamiklir menn í stjórnkerfi og fræðasamfélaginu hafa sömu sýn og sömu gildi að leiðarljósi.

Charles Manson: Global Warming Prophet

http://www.dailymail.co.uk/news/article-1378178/Charles-Manson-breaks-20-year-silence-40th-anniversary-gruesome-Sharon-Tate-murders.htmlhttp://www.allthewayalive.com/One_World_Order/one.html

Tengt:
Mannbótasinni tekur gísl á Discovery

Börn sem springa í blóðugar slettur