Nakin mikilmenni úti í skógi

Ef þú villt fræðast um leyniklúbba, baktjaldamakk, samsæri og sögu, þá skaltu ekki snúa þér að stórstraumsefni í sjónvarpi, blöðum eða bókum.

Því þessir aðilar verða þeir síðustu til að segja frá nokkru bitastæðu.  En á endanum, eru upplýsingarnar komnar svo vel á flot með öðrum aðferðum, að jafnvel stórstraumssnatarnir fara að fjalla um þær.

Þannig birtist eina tilvísunin í Frelsislundinn sem ég veit um úr íslenskum stórstraumsmiðlum í Morgunblaðinu, árið 2003, þegar Árni Mattíasson, sá sem finnst Windows 7 vera ‘ógeðslega fríký’, endursagði sorpgrein frá Jon Ronson, sem ætlað er að gera grín að þeim sem ekki trúa of vel á tilviljanir, með því að slengja merkimiðanum „samsæriskenningasmiðir“ á þá og grínast með allt saman.

Það er alveg hægt að grínast með allt: Pyndingar, dauðaþjarka og samsæri, en það eru bara bjánar sem bæði hlæja,  og trúa trúðunum.  Það er þó skárra að hlæja, og sjá svo að trúðarnir eru að reyna að gera óþolandi atburði og atferli að einhverju sem við teljum bara eðlilegan hluta af lífinu.

Nú hefur skáldsögurásin framleitt og sýnt „fræðsluþátt“ sem fjallar um Frelsislundinn, eða Bohemian Grove.  Með því að kalla History Channel skáldsögurásina, þá er ég að reyna að miðla sýn Alan Watt á mannkynssöguna, enska orðið history túlkar hann sem his-story, en það rímar vel við máltækið að sagan sé skrifuð af sigurvegaranum, og það á við hvort sem hann sigrar í bardaga eða áróðursstríði.

Þáttinn er hægt að sjá á youtube (hér að neðan), en hér er smá yfirlit yfir hann.

Réttilega er sagt frá því að aðeins karlmenn fái inngöngu í lundinn.  Ef ég man rétt, þá er það einnig tekið fram, að stjórnmálamenn sem sækja lundinn koma að mestu úr hægri armi tvíeinflokksins bandaríska, repúblikanaflokknum.

Það er ýjað sæmilega að hommalegu þema þessarar tveggja vikna samkomu, talað um netsokkabuxur, drag klæðnað, piss utan í risatrjástofna, nektarhlaup og þess háttar.

Þeir sleppa því að minnast á homma klámstjörnur og tilkippilega hórdrengi sem keyptir eru til að skemmta gestunum.

Heilmikið er talað um hvernig mikilsmetnir menn sækja þessa fundi og leyndina í kring um fundina og hvað fer fram í lundinum.  Fundargestir eru stjórnmálamenn, Skull and Bones elítan (aðeins 15 meðlimir teknir inn á ári), og áhrifamenn úr viðskiptalífi, her, og menningargeiranum.

Cremation of Care

Bálför umhyggjunnar, eða Cremation of Care athöfninni eru gerð hálfvolg skil, en þeim tekst ekki alveg að gelda áhrifaríka frásögn Alex Jóns af athöfninni, en hann er sá eini utanaðkomandi sem tekist hefur að smygla sér inn, taka myndir af athöfninni og koma efninu út, auk þess að tala frjálslega um allt heila sataníska dulspekibatteríið, en heimildarmynd hans, Dark Secrets in Bohemian Grove, er algert grundvallarverk fyrir hvern þann sem vill kynna sér þetta fyrirbæri.

Í þessari trúarathöfn standa gestir frelsislundarins í myrkrinu fyrir framan 40 feta steinlíkneski af uglu, sem þeir kalla Moloch.  Milli ‘sviðsins’ og gestanna er dálítið vatn og fyrir framan þá standa prestar í síðum kuflum, með stóra kyndla, og svo kemur hestvagn inn á sviðið með líkneski barns, sem fórnað er til uglunnar Molochs í brennifórn.  Uglan og líkneskið tala saman og boðskapurinn er sá að fundarmenn brenna alla umhyggju fyrir öðrum og njóta frelsisins í lundinum.

Lundurinn á sér yfir 200 ára sögu, og á tímum KKK kunna að hafa verið léttar hengingar á svertingjum í boði, til að skemmta gestunum.  Hver veit nema þeir hafi þá fórnað alvöru börnum í einhverjum tilvikum, en í því tilfelli sem Alex Jóns smyglaði sér inn, þá segir hann að um líkneski hafi verið að ræða.  Hann hefur hinsvegar oft talað um það hvernig mennirnir í kring um hann virtust æsast upp við athöfnina, þeir rumdu og horfðu opinmynntir á athöfnina, sveittir og í miklum andlegum móð, nánast eins og að þeir væru að fá kynferðislega fullnægju.

Froðusnakkur þáttarins leggur þunga áherslu á það að við getum ekki túlkað hvað þessi athöfn þýðir, það sé eins og fyrir óinnvígða að verða vitni að altærisgöngu hjá kaþólikkum, að þeir gætu hugsanlega tekið það bókstaflega að um mannát á ‘líkama krists’ sé að ræða. 

En ég held að fólk ætti að geta lagt saman tvo og tvo í þessu dæmi, texti uglunnar og barnlíkneskisins ‘Care’ er aðgengilegur og menn hafa fórnað börnum með brennifórn til Molochs, það er ekkert voðalega erfitt að túlka þetta.

Aðrir hafa sagt frá fleiri fórnarathöfnum í Frelsislundinum, svo sem athöfn þar sem Maríu Mey er fórnað og svo athöfn þar sem Jesú Kristi er fórnað.

Alex Jóns kallar þetta klúbb sem tilbiður dauðann, ég held að það séu engar ýkjur.

Stórkostlegur karlaklúbbur

Leikarar heimildarþáttarins gera nokkrar máttleysislegar tilraunir til að komast inn í Frelsislundinn, en gera þær meðan lundurinn er ónotaður.  Það er bara ein stór samkoma á ári, í Júlí ár hvert, annars er þetta risasvæði varið af öryggisvörðum og lögreglu fyrir ágangi forvitinna.  Að síðustu eru tveir af þeim handteknir og dúsa í fangelsi í nokkra klukkutíma, eftir að hafa labbað upp frá árbakka inn á hið forboðna svæði.

Eftir þá reynslu segir annar „ég fer sko ekki aftur þarna, nema mér sé boðið“, félagi hans segist skilja öryggisgæsluna, og þeir eigi rétt á því að fá að vera í friði.  Undir þessu slefi er spiluð hamingjutónlist, svo áhorfandinn skilji að þetta séu góð viðhorf og tileinki sér þau sem sín eigin.

Niðurstaða þáttarins: „Great club“, eða æðislega flottur karlaklúbbur.

Frásögn Henry Macows af fundi síðasta árs:

Bohemian Grove: Illuminati Meet This Week for Satanic Rituals

Arfaléleg umfjöllun í Morgunblaðinu

 

 

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s