Barbí bakar Seljan

Árni Sigfússon, bæjarstjóri Reykjanesbæjar, var gestur Helga Seljan í Kastljósinu nú rétt áðan, vegna þess að bærinn er í vandræðum með að endurfjármagna 1,8 milljarða lán sem er á gjalddaga og engir aurar í kassanum til að greiða það upp.

Kastljósið var vandlega auglýst í fréttatíma sjónvarpsins og látið skína í að nú fengjum við loks almennilega flengingu á stjórnmálamanni sem hefði orðið hált á svellinu.  Gullvagninn flýtti sér að slurpa í sig soðninguna og settist við 28″ SONY CRT-túbuskjáinn, en hann missti af flatskjárlánunum og verður því að horfa á sjónvarp í low-def og há-hallærislegu hlussusjónvarpi.

Gullvagninn hallaði sér fram í lazy-boy sjónvarpsstólnum og hækkaði vel, þetta verður áhugavert, hugsaði hann.  Bærinn er með allt niður um sig fjárhagslega, eignir seldar inn í einkavinavætt fasteignafélag og leigðar þaðan á okurprís til baka, nýr tónlistarskóli / hljómleikahöll sem kostaði 10x meira en tónlistarskóli hinna vel stæðu Garðbæinga, Hitaveitan seld með kúluláni og opið skotleyfi á Árna Sigfússon, sem notaði svipaða galdra við stjórn Tæknivals sáluga.

En hvílík vonbrigði.

Helgi Seljan hafði ekkert í Árna.  Hann var eins og smábarn við hliðina á sjarminum.  Árni var undirbúinn fyrir öll þau linu skot sem Seljan sendi yfir borðið með fýlda grön.  Hann afgreiddi þau í rólegheitum og með rökfestu, sem Helgi hafði ekkert í.  Hann var greinilega engan vegin undirbúinn fyrir viðtalið, kom bara með nokkra punkta til að punda á Árna en gat ekkert fylgt eftir eða brugðist við þegar Árni svaraði.  Það var eins og hann hafi búist við að Árni myndi bara bráðna undan fýlusvip Helga. 

En því fer fjarri.

Árni lék á alls oddi.  Þegar leið á viðtalið og hann sá hversu létt hann snéri „stjörnublaðamanni“ RÚV um fingur sér, þá tókst honum meira að segja að plögga Ljósanótt Reykjanesbæjar, sem fer fram um næstu helgi.

Í lokin leit Helgi niður í handrit sitt og fleygði síðasta spjóti sínu að foringja heimskasta bæjarfélags á Íslandi.

Árni Sith greip það spjót léttilega á lofti, enda lagið lint og þrumaði því í brjóstkassa Seljans með því að eiga síðasta orðið með stæl.

Árni og kona hans voru uppnefnd Ken og Barbí þegar Árni bauð sig fram til borgarstjóra Reykjavíkur.  En í þessu Kastljósi var meiri plastbragur á fréttastofunni heldur en stjórnmálamanninum.

Hægt er að sjá Kastljósið hér

Crazy-Horse Kristinn: RÚV eru aular
Crazy-Horse Kristinn: RÚV eru aular
Kauðar og leigupennar á nauðaframlagi okkar

Auglýsingar

2 athugasemdir við “Barbí bakar Seljan

  1. Það er leitt að seigja, en veröldin er keyrð akkúrat svona. Barbí kall fengin til að heilla almenning. Og frétta kallarnir fá í hnén af þokka þeirra.. Samanber Obama..Síðan hvenær hefur US forseti haft svona falskt fylki?

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s