Gerfigrasrótin Kaffiþamb vill ‘breytingar’

Teveislufólk er grasrótarhreyfing gamalla amerískra gilda.  Þessi hreyfing fékk mikla innspýtingu nýlega þegar fólk marseraði í miklum fjölda á ýmsum stöðum í Baddaríkjunum til að mótmæla skattheimtu og annari óamerískri hegðun stjórnvalda.  Hún hefur svo verið tekin yfir að einhverju eða miklu leyti af repúblikönum, hægri væng hrægammsins, þó gildin sem knýja liðsmenn grasrótarinnar séu alls ekki endilega samhæfð við repúblikana.  Sem dæmi má nefna að stjórnsýslan þandist út undir Bush, en Teveislu-grasrótin vill lágmarka afskipti stjórnvalda af öllu, sérstaklega okkar daglega lífi.  Þannig má frekar segja að repúblikanar reyni að herma eftir gildum Teveislufólks, frekar en að Teveislufólk séu fylgjendur repúblikana.

Hinn vængur hrægammsins, demó[n]kratar, vilja nú taka þátt í gamninu og hafa skákað fram gamalreyndri kerfiskerlingu, Annabel Parker, sem full-álagsprófaðri grasrótardrottningu og leiðtoga nýrrar Kaffihreyfingar, sem í áróðurslínum er sögð svipuð og Tehreyfingin, en með því að skoða tíst kerfiskerlingarinnar á Twitter, má sjá að kaffibrúsaliðinu er stefnt gegn teveislufólkinu í týpískri hægri / vinstri fléttu.  Annabel var skilvirkur fótgönguliði í kosningabaráttu friðarhöfðingjans, Obama.

Kaffibrúsakarlarnir hafa meira að segja sama slagorð og í kosningabaráttu Obama, ‘the movement for change’.  Hvers konar breytingar það eru sem þá dreymir um er erfitt að segja, Óbama er búinn að vera við völd í meira en ár og breytingarnar eru vægast sagt skrítnar, hann er eins og framhald af Bush stjórninni, meiri stríð, meira afnám mannréttinda, meira lögregluríki.

Annar slagfrasi sem þeir skarta er „Wake Up and Stand Up.“  Í þetta net vilja þeir veiða fólk sem vill breyta einhverju, það gengur í þessar gerfigrasrótarhreyfingar og er leitt áfram af kerfiskerlingum og körlum eins og Annabel Parker. 

Ekki ólíkt íslenskum grasrótarhreyfingum undir stjórn Hannesar Hólmsteins og Ingibjargar Sólrúnar í   hægri / vinstri blekkingu, eða jafnvel saman í ofurgrasrót, einn flokkur fyrir eitt fólk í einum heimi.

“Coffee Party” Founder Is Obama Campaign Operative 
Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s